Kryetari i Komunës, Lulzim Hetemi, ka pritur sot në takim ministren e Ekonomisë, znj. Artane Rizvanolli, e shoqëruar nga zëvendësministrat Getoar Mjeku dhe Nenad Stanojeviq.
Gjatë takimit me ministren Rizvanolli diskutuan për mundësitë e komunës dhe të qytetarëve që të përfitojnë nga skemat e mbështetjes për efiçiencën energjetike. Gjithashtu u diskutua për
ndërmarrjen publike “TREPÇA”, që operon në komunën e Leposaviqit dhe do të jetë shtyllë e zhvillimit ekonomik falë reformave që po ndërmerr Qeveria.
Kryetari Hetemi dhe ministrja Rizvanolli u dakorduan që të vazhdojnë bashkëpunimin në adresimin e çështjeve me interes për qytetarët.
