Kryetari i Komunës, Lulzim Hetemi, ka nënshkruar memorandum bashkëpunimi me zv.drejtoreshën e Përgjithshme të Agjencisë së Punësimit të Republikës së Kosovës (APRK), Znj.Jehona Rexha.
Njëra ndër pikat e takimit ishte edhe përurimi i hapjes së Zyrës së Punësimit në objektin e Komunës së Leposaviqit. Ky hap është shumë i rëndësishëm, pasi nga kjo zyrë qytetarët do të mund të pranojnë këshillim profesional, të ndërmjetësohen në vende të ndryshme të punës, por edhe të marrin trajnimet e nevojshme për aftësim dhe ri-aftësim në punë.
Në lidhje me këtë, Kryetari Hetemi dhe Drejtoresha Rexha nënshkruan edhe një memorandum përmes së cilit parashihet thellimi i bashkëpunimit ndërmjet Agjencisë së Punësimit dhe Komunës së Leposaviqit ashtu që të garantohet zhvillimi profesional i qytetarëve si dhe avancimi i mëtutjeshëm socio-ekonomik në këtë komunë.
Në takim ishte i pranishëm edhe zëvendësministri i Financave, Punës dhe Transfereve, Z. Agon Dobruna
